--------------------------------------------------------------------------------
كثرت الشكوى من موقع الرفع الشهير رابيدشير، وطبعا الأعضاء اللى بيشتكوا لهم حق لأن التحميل من الموقع فعلا معقد جدا للى ما عندوش حساب
لكن على الجانب الآخر فالموقع يعتبر مثالى لرافعى الأفلام لعدة أسباب أهمها نقاط التحميل اللى بتترجم لأشهر من الحسابات المجانية بالإضافة لسهولة وسرعة الرفع عليه وأيضا احتفاظه بالملفات لمدة طويلة جدا بالمقارنة بالمواقع الأخرى (للأبد لو الملفات اللى على حسابك أقل من 20 جيجا).
وكمان السيرفر بتاعهم مليان بجد، كل الأفلام الجديدة، عربى واجنبى، مرفوعة عندهم
دا غير الكليبات والأغانى والألعاب، ....... إلخ
نفسك يبقى عندك حساب على رابيدشير؟ يعنى تحميل غير محدود، واكتر من ملف مع بعض؟
بس طبعا مش عاوز تدفع فلوس، أو مش عارف تدفع لمين وإزاى!
كتير من الناس عندها نت سريع وتقدر ترفع ملفات على رابيدشير وتاخد نقط، لكن ما تعرفش الطريقة، وعلشان الناس دى أنا عملت الموضوع ده، وحاعرفكم، خطوة بخطوة، إزاى ترفعوا ملفاتكم وتاخدوا نقط عليها وازاى تحصلوا على حساب مجانى
بس خدو بالكم، الموضوع مش سهل، والطريق طويل شوية، بس فى الآخر حتلاقى عندك حساب وممكن توزع بعد كده على اصحابك حسابات كمان
طولت عليكم؟ معلهش ..... نبدأ الشرح
=======
أول خطوة لازم تعمل حساب مجانى على رابيدشير اسمه
Collector's Zone
ادخل على موقع رابيد شير
http://rapidshare.com/لو ضغطت على Free Zone حتلاقى Collector's Zone Login
بس ده Login بس يعنى مافيش شرح ازاى تعمل حساب جديد
سيبك منها، وانزل لتحت الصفحة
ارفع أى ملف صغير، وليكن ملف txt، دوس على browse واختار الملف وبعدين دوس upload
حتفتح لك صفحة، بتسألك لو كنت تحب تعمل collector account
انزل لتحت، دخل بياناتك، وبعدين دوس على Create collector's account
دلوقتى بقى عندك حساب يا معلم، وده الجزء السهل فى الموضوع
ادخل على حسابك من هنا
https://ssl.rapidshare.com/cgi-bin/collectorszone.cgiودخل بياناتك، وبعدين حتلاقى الصفحة دى
انزل لتحت شوية
عندك ملفاتك، اعمل كليك يمين على الملف واختار copy shortcut علشان تاخد الرابط بتاعه
وعندك options لتغيير البيانات، remote uploads لتحميل الروابط المباشرة لحسابك مباشرة، بسرعة السيرفر بحد اقصى 100 ميجا للملف الواحد، وبحد اقصى 100 ملف فى نفس الوقت
عندك convert points لما تحصل 10.000 نقطة تحولهم لحساب premium account وساعتها ممكن تنقل ملفاتك عليه
كمان عندك browse و upload لتحميل الملفات
خد بالك لازم ترفع الملفات جوا صفحتك، صفحة حسابك، علشان تتحسب وتاخد عليه نقط
والأفضل من وجهة نظرى انك تستخدم برنامج rapiduploader ، حمله من الرابط ده
http://images.rapidshare.com/softwar...idUploader.exeدى صورة واجهة البرنامج
افتح settings
اختار Collector's Account ودخل بياناتك وبعدين دوس على Apply & Login
بعدين دوس على upload واتاكد انه مكتوب تحت Logged in وبعدين اسمك
بعد كده ارفع عادى، ياما تدوس على upload من تحت أو تعمل drag and drop
دوس على History
حتلاقى الملفات اللى اترفعت، ولو دست على اى ملف تطلع لك روابطه
ولمزيد من شرح البرنامج، ادخل هنا
https://ssl.rapidshare.com/en/rapiduploader.html===============
الجزء الصعب يا معلم فى الموضوع هو اللى جاى
ارفع ملفاتك، افلام، اغانى، انشرها فى المنتديات، أو اعمل مواضيع فى منتدى الديفيدى وهى حتنتشر لوحدها
كل ما تكون ملفاتك حصرية وجامدة وليها شعبية كل ما تتحمل اكتر، وتاخد نقط اكتر
بس لازم الملف يكون اكتر من 1 ميجا علشان يتحسب
الإثنين فبراير 02, 2009 9:45 pm
