اغبى فصل في العالم

السلام عليكم

نكتة لي اغبى التلاميذ و أغبى فصل في التاريخ



شوقى من الطلبة المهملين الأغبياء اللى بيقعدو فى اخر الفصل، والأستاذ عبد الفتاح مدرس العلوم متحمس ونشيط وبيشرح لهم عن فوائد اللبن .
وجه الأستاذ بعض الأسئلة لشوقى..

الأستاذ عبد الفتاح : يا شوقى، إزاى تحافظ على اللبن علشان ميفسدش؟

شوقى : نخليه في البقرة يا أستاذ .

الأستاذ عبد الفتاح : طيب هات ثلاثة أنواع من منتوجات الحليب .

شوقى : جبن مثلثات ، وجبن قوالب ، وجبن سايل .

بص الأستاذ عبد الفتاح لخليل في الركن الثانى اخر الفصل.

الأستاذ عبد الفتاح : وأنت يا خليل ، قل لي منين بنستخرج السكر ؟

خليل : من العلبة يا أستاذ .

الأستاذ عبد الفتاح : إزاى نثبت ان الاشياء بتتمدد بالحرارة وتنكمش بالبرودة؟

خليل: عندك مثلاً .. اليوم في الصيف أطول من اليوم في الشتا .

الأستاذ عبد الفتاح : اقعد الله يصلح حالك، وركز معايا.

الأستاذ عبد الفتاح : اسمعوا ، أحسن واحد في الفصل هو الواد على.

يا على : عمل ايه" جيمس وات " لما شاف البخار بيطلع من الغلايه؟

على : أكيد عمل شاي .

الاستاذ وشه احمر زى الطمطمايه وزعل .

لما حس محمد أن الأستاذ زعلان ومضايق قال عندي لك يا أستاذ نكتة هتخليك فل ، قال له الأستاذ عبد الفتاح: قول يا سيدى .

قال محمد : فيه مدرس علوم ربنا رزقه بعيلين توأم سمى واحد ( أول أكسيد الكربون ) وسمى الثاني ( ثاني أكسيد الكربون ) .

الأستاذ عبد الفتاح : طيب يا محمد ، عندي ليك سؤال قبل ما أكتب استقالتي .

محمد : اتفضل يا مستر.

الأستاذ عبد الفتاح : الناس تقدر تعيش على الارض من غير اكسجين.

محمد : طبعاً لا.

الأستاذ عبد الفتاح : (وهو روحه المعنويه مرتفعه) شاطر يالا .. سقفولوا.. طيب امتى اكتشفوا الأوكسجين ؟

محمد : اكتشفوه سنه 1773 م .

الأستاذ عبد الفتاح : ايه ياواد الحلاوه دى ..سقفولوا تانى ياعيال.

محمد : بس انا عايز اسألك سؤال يا أستاذ .. إزاى الناس كانت بتتنفس قبل التاريخ ده ؟

وبعد اما سمع الأستاذ عبد الفتاح سؤال محمد ( انصح طالب في الفصل ) لم كل أوراقه ، وراح اوضه المدير، وقدم استقالته